دعاء انقذنى

اللهم اكفنى شر نفسى .لم اعلم لماذا بكيت عند دعائها الا عندما لمست استجابتها ..ان تجد الله يبعدك عن معصيته ويحميك من نفسك..يا الله على الامان

عارف يعنى ايه ان الله يحول بين المرء و قلبه ؟؟
عارف يعنى ايه  اللهم لا تكلنى الى نفسى طرفة عين.؟؟

دى اللى هاتنجيك من شر نفسك الامارة بالسوء   فوقت تون بدأت تضعف
ادعوها باخلاص

لما تسجد لربنا و تقول اللهم اعنى على ذكرك و شكرك و حسن عبادتك قولها من قلبك هاتقابل اوقات فتور فالعبادة و دعوتك دى اللى هاتقويك ربنا فاكرها  حتى لو انت نسيتها بس ادعى من قلبك و اقتنع ان لا حول و لا قوة لك الا بقوة الله و رعايته


ربنا بيحبك حتى لما تعصاه بيسترك اوعى تفتكر ذنبك ماتفضحش فتاكة منك لا ابسلوتلى دة ربنا بيديلك فرصه تتوب و لو كشفك هايكون علشان ماتقعش اكتر
ساعات بتقابل ناس عماله تغلط و تغلط و مغترة بنفسها و هم غلابه مش عارفين ان كل دى فرص بتتسحب من رصيدهم

فوووووق قبل الاوان

فووووقى قبل ما ربنا يفضح سترك و تقولى يا ارض انشقى و ابلعينى

ربنا ستركم لاغية دلوئتى بس علشان بيحبكم و لو اتكشف سترة عنكم بردو هايكون علشان بيحبكم و مش عاوزكم تتمادوا اكتر


وَإِذْ قَالَ رَبُّكَ لِلْمَلائِكَةِ إِنِّي جَاعِلٌ فِي الأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لا تَعْلَمُونَ

وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ ۗ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ ۚ بِئْسَ لِلظَّالِمِينَ بَدَلًا

صدق الله العظيم الكريم الحليم

ربنا اللى جعل الملائكة تسجد لادم اللى خلق الانسان و هو اعلم به من نفسه اللى بيغفر و بيرحم

لا تجعلوا مع الله اله اخر
و لا تجعل الهاك هواك

ارجع من الطرق الغلط قبل فوات الاوان